كلمات اغنية عثراتي رابح صقر

عثراتي رابح صقر كلمات

من كثر عثراتي وخيبات العمر

وغدر الحبيب اللي غدى ماهو حبيب

ماعاد فيني حيل باقي أو صبر

وحالات حزني فيني تودي وتجيب

تلعب بي الآهات و احساس القهر

من قسوة الإحباط والحال الصعيب

من قال بالدنيا بشر توفي لبشر

واللي تحبه فيه ظنك مايخيب

لا والله إلا الغدر يتلاه الغدر

والحب كذبه بين شك وبين ريب

ترى أصعب الغدرات لا جت من قريب

صار الوفا نادر وغلطاتي عبر

والعمر في طوله وفي قصره كئيب

ماعاد افكر في حبيب ولا انتظر

مثل الغريب اللي مفارق له غريب

والليل هذا لا نجوم ولا قمر

و اشيائي الحلوه عن عيوني تغيب

لا حولي المينا وأنا وسط البحر

وفي زحمة الأحزان قلبي مستصيب

عزاه يا عزاه يا خيبة عمر

عزاه ياقلب غدى ماله حبيب

من كثر عثراتي وخيبات العمر

وغدر الحبيب اللي غدى ماهو حبيب