كلمات اغنية عجايب علي بن محمد

عجايب علي بن محمد كلمات

قلبت بالدنيا على كل طاروق

ياكثر ما شافت عيوني عجايب

هذا جريح ٍ سال دمه بلا طقوق

ما يدري ليش وماعرف له سبايب

وفيها الوفا كفن مع الوقت بعقوق

وفرح به اللي حاقد ٍ ولا خايب

ظلمه تجاوز كل عابد ومخلوق

يظن رآيه فوق رآيك وصايب

وهذا زمان ٍ صار للظالم حقوق

يبني صروح المجد فوق الخرايب

وانفاس روح ٍ ماتعرف المعايب

الثوب ما يستر إلى صار مشقوق

والسيف ما يقطع بكف ٍ تهايب

وش حيلتك لا صرت حر ٍ ومفهوق

وش حيلتك لا روّحوا بالركايب

اسمع نصيحة صاحب ٍ هرجه صدوق

ماعاش منهو حاسب ٍ للنوايب

بالموت يصبح سيد النفس معتوق

والحي مملوك ٍ لصغر الرغايب