كلمات اغنية عجيبة الكحله حسام الرسام

عجيبة الكحله حسام الرسام كلمات

فاليشهد التأريخ انت رسالتي

وحبك المكنون سر رجولتي

يا معشر الشعراء لم اترك لكم

بيتا صغيرا في مقام قصيدتي

اني انا المغرم حقا والذي

غازلت حتى الطير فوق حبيبتي

وعجيبة الكحله ما ذابت على چفونج

وانا زلمه وذبت من نضره عيونج

ضحكتج كلش تخصني

اذا تبچين اريد دموعج الحلوات لمن توكع بحضني

واسولفلج قصص اطفال اباوعلج بنظره أب

يا اول ورد ما خضر من الگاع

ويا اول بشر مخلوق من التين والزيتون والنعناع

وانا معذور بخدودچ اباوع واصفن هوايه

هو العنده هيچ خدود هم يحتاج المراية

خليني على بالچ واقبل شوية

خليني ب اذانچ ولو ترچيه

اغار من اليعجبونج

واغار من اليحبونج

واغار من اليحاچونچ

واغار من اليماشونچ

واغار من الگمر بليل اذا ما يطلع بلونچ

واغار من الحزام الملتف بخصرچ

واغار من المشط من يلعب بشعرچ

واغار من الگلادة الغافيه بصدرچ

واغار هواي من اهلچ

واغار هواي من عندي

واغار من العسل مرات اذا بشفافج يندي

واذا تموتين اغار من الچفن والگبر والتابوت

حلاتچ مايعة وتحجين

ضحكتچ نازكه تموتني وتضحكين

اريدن كون نتشابگ لحدما نرد طين وطين

اذا ابوسچ گبال الناس شتسوين

لتلوميني هم حقي

گدامچ رجل شرقي