كلمات اغنية عدوية محمد رشدي

عدوية محمد رشدي كلمات

صياد ورحت اصطاد صادوني

يا عدوية

طرحوا شباكهم رموش العين صابوني

يا عدوية

اه يا ليل يا قمر والمنجه طابت ع الشجر

اسقيني يا شابه وناوليني حبة ميه

اسم النبي حارسك اسمك ايه ردي عليا

عدوية

اه يا عدوية

اوعوا تحلوا المراكب والله يا ناس ما راكب

ولا حاطط رجلي في الميه الا ومعايا عدوية

عدوية

وانا طول عمري غريب في الميه بتشال واتحط

يا ام الخدود العنابي يا ام العيون السنجابي

يا مركبي وبحرك داري يا حجاب حشيلوا في غيابي

مدي ايديك خديني خديني

ولفلفيني السنين خديني

والله صورتك بتنفع تزين الجرانين

اوعوا تحلوا المراكب والله يا ناس ما راكب

ولا حاطط رجلي في الميه الا ومعايا عدوية

عدوية

في ايديا المزامير وف قلبي المسامير

الدنيا غربتني ونا الشاب الامير

رمشك خطفني من اصحابي وانا واد صياد

لفيت بلاد وبلاد وبلاد

اتاريكي ساكنه الناحية دي يا سلام يا ولاد

مين كان يقول البصه دي تصطاد صياد

اوعوا تحلوا المراكب والله يا ناس ما راكب

ولا حاطط رجلي في الميه الا ومعايا عدوية

دوار يا ناسيني الشوق دوار

يا ممشيني كذا مشوار

في الموج نحتار ليل ويا نهار

عدويه اهي ضحكتها نهار

عدويه اهي شمس واسرار

اوعوا تحلوا المراكب والله يا ناس ما راكب

ولا حاطط رجلي في الميه الا ومعايا عدوية

عدوية