كلمات اغنية عذاب المترفات محمد العيافي

عذاب المترفات محمد العيافي كلمات

الخواطر صيدها مثل صيد الذايرات

علموا ليل السهارى يدور له خوي

واتركوني في ضواحي عذاب المترفات

العيوف اللي تنوخ طموح المهتوي

كل مالدت بسود العيون الناعسات

كنها تطعن بشلفا الامير ابن جلوي

البشر في زينها معجبين ومعجبات

عندها يضيع ثقل المحافظ والسوي

مايقاوم عودن اطرق وخصرن منزوي

وصفها فالكون ماله شبيه وعينات

يعطي الشاعر مساحه ودافع معنوي

القصايد في رضاها شعل ومطبعات

تدجر بكار القرايح على صوت بدوي

مستعد اكسي نحرها بسبع معلقات

تنكتب في غيها والشموخ الانثوي

وجهن الله صب فيه الحلا والمغريات

والبراه والحيا والجمال الفوضوي

حسناها يستنطق الطير والما والنبات

خل عاد اللي مفهوه وقلبه منكوي

فيه شين ضامر وفيه شين مرتوي

خصرها من ضيقه امضيق صدور البنات

اللي تحط القلاده عليه وتستوي

فالاناقه والثقه والتجلي والثبات

كل حفله تعطي الغيد درسن تربوي

فتنتن تحضر وتلغي حضور الفاتنات

فالقبال اليوسفي والمقام النخبوي

ماينافس زينها من بنات الامهات

شيختن من حظ شاعر وطيب وحموي

بنت شيخن فالقبيله فعوله معجزات

ارجحن فالدوله مقدر وضلعه قوي

الامور الكايده كل ابوها هينات

ساعتن فيها العمايم من الروس تهوي

جدها في نجد يخلي ظهور المسرجات

والعزواي فوق عج الرمك تدوي دوي

ثبت شداده ماهمه حياه ولا ممات

وحط له تاريخ لاشمه الذيب يعوي