كلمات اغنية عريب مسفر السندوانة

عريب مسفر السندوانة كلمات

من الشعر يا هاجسي هات ما لاق

واتعب على ساسه ونتب عموقه

قاف جزل ما تختلف فيه الاذواق

كلن يقول انه على مثل ذوقه

يزهى عريب اللي لها العين تشتاق

واللي يحب السبق دايم تشوقه

في كل شوط تدخل تلخبط اوراق

وفي جنبها السبق كروت محروقه

مرواح حر مازعين سبوقه

ومن يوم دقت كنها فوق الآفاق

اخلت ما كنها فالتراب مخلوقه

من عزبة جتها السلامات تنساق

عسا المطر تنشي عليها حقوقه

قد ضمت الجازي وشرقه ومشراق

وكم سابق ضمت سريع لحوقه

يديرها صبي على الطيب سباق

اسبق من الراعد ولوحة بروقه

مضمر طيب ونشمي وعملاق

مسعود ياجعل الولي ما يعوقه

ومن السطر راسه تواقد عروقه

فالماقف الغصاب ياقف على ساق

وان طالت المده تبين فروقه

وعياله اهل الطيب ذربين الاعماق

كل ابلج منهم تخلا طروقه

اقوله وبالي بمدحي لهم راق

جزل الثنا في مستحقه نسوقه

اهداء إلى مسعود بن صالح ال عتيق

كلمات فهد بن حمد ال قريع

اداء مسفر السندوانه