كلمات اغنية عزمي قوي شبل الدواسر

عزمي قوي شبل الدواسر كلمات

حطيت حزني بين نابي ونابي

عزمي قوي لو الليالي غدت سود

للحين ما طاب الوجع في مصابي

جرحي عميق وداخله ملح بارود

ولا يطيب إلا بمدح الحبابي

مدحه يشيّمني على كل منقود

علي ولا قلت ابن حمري درا بي

أبو السخا وأبو المواجيب والجود

من ذكره الزاكي وله فعل مشهود

يسكب لحق الضيف سمنٍ عرابي

وعلى يديه اليا قضى يسكب العود

قدام أبو فواز تبرك ركابي

يمناه أمان وراحة لكل مضهود

يمناه بيضا وأبيض من السحابي

اليا عطى ما للعطى حجم وحدود

من يذخره يلقى العلا والروابي

عن الطمان ايشال ويعدّي سنود

مابه غريب وآخر أسمه حبابي

من اقحطان أمجادهم دايم تسود

صغيرهم فعايله تبرد كبود

يستاهلون محلحلين الصعابي

مطوّعين الكود والخيل ملكود

مدحة علي ماهي بركض السرابي

لقيت في مدحة علي جم وعدود

قولوا له إن لافي لمدحك محابي

من لا يميل لطيّب الصيب مقرود

واختامها اسف واعتذر عن اسهابي

يستاهل الامداح من كان قرهود