كلمات اغنية عكفان الاشانيب فهد بن فصلا

عكفان الاشانيب فهد بن فصلا كلمات

عكفان الاشانيب ???????????? فهد بن فصلا وجفران بن هضبان وحمد الطويل وصالح الزهيري ???? وعيلين مردد 2022 حصريا

(( سفر الدغيلبي ))

عليك اتكلنا ياذا الإكرام والإجلال

نزيد الدعا وانته خزاينك مليانه

طلبناك ف أبرك مايقدم وماينقال

قدر متعب الفهادي وقدر شيبانه

رفيق السعد نفداه بالحال قبل المال

ونتعب على شانه ونجهد على شانه

وهو صاحبن يستاهل ومبدع ورجال

ومعه القبول اللي من الله سبحانه

(( عبدالله السراهيد ))

على ذكره !.. الامداح تسترسل استرسال

ولا فيه منها بيت !.. ما نافس ، إخوانه

تخطرا الضعيف اللي لامنصى ولا مدهال

تبى اللي عن الضيفان !.. ما صك بيبانه

(( سلطان بن بشير ))

يقول ارحبو ترحيبةٍ وقعها لازال

صداها سمعه الاردني وسط عمانه

على صوته الي كل ما جر له موال

(( سلطان الحويقل ))

تراحيبً اتعانق صدى الاشهب الشعال

لا حط ابو عطفه بين كتفه وذرعانه

هذا متعب اللي سيرته تتعب الابطال

حزام الرفيق اللي على درب جدانه

عقاب التوالي لا انثنى دونها الخيال

لا طال النهار و ضيّق الموت ميدانه

(( فهد قطنان ))

ياطيب الكريم اللي تفاخر به الاجيال

ويازين القصيد الزين فالسمعة الزانه

محد لايم اللي مادحٍ فيه مهما قال

طليق الوجه يطلق له الشاعر لسانه

(( محمد سلطان الشيباني ))

وعيلين مردد وتضرب به الامثال

تشوف الطناخه في عيونه وحجانه

وانا دون مثله ماتعذرت بالاشغال

وترا الجار ماله عذر عن حفل جيرانه

(( وصل العطياني ))

قبل ما يحطون الخريطة على الجوال

يدلّون عكفان الاشانيب عنوانه

كرامة ضيوفه فالشهر دخل رجل أعمال

يقرّب مدير البنك كرسيه وزانه

معلومات الاغنية

شيله مهداة للمنشد متعب بن عبدالرحمن الفهادي

بمناسبة زواجه

كلمات نخبة من الشعراء

سفر الدغيلبي

عبدالله السراهيد

سلطان بن بشير

سلطان الحويقل

فهد قطنان

محمد سلطان الشيباني

وصل العطياني