كلمات اغنية عيد الحزن احمد مشعل

عيد الحزن احمد مشعل كلمات

الليله عيد ميلاد الحزن وعازم المحازن

كان الفرح مخبيينو جوه ف المخازن

لازم كلو يحضر يوعى يفهم اللى حاصل

والمرادى فيه حساب بطلتو يمشي اجل

ف الاول يجو يطبلولك يعزفو المغازل

مع اول ضربه ينفضولك امشي انا اسف

اللمه حلوه بس للاسف لمه كدابه

وفوسط الزفه دماغي لفه من كتر المهازل

يادمع سبنا نفرح لو لمره كل جيل

ولما الحمل خف الكل قالي يلا شيل

ع الدوغري اوعاك تنخ وياجبل مايهدك ريح

ف الشده تلاقي صاحب صلب هيطبطب ويشيلك عادي

حرس م اللي بيرسم غلب وحرس من قريبك ماشي

اللي بيخلص اصيل

واللى بيخلع جبان

الكل زيك فاقد للشغف وللامان

افتح محضر وقيد ف الزمن سم وحرابي

اشباه بشر خلونى اكون مضطر اسن نابى

معمر الخزن وجي جاهز ب انتقامي

يصعب عليا ملحكم اكل خشب دماغي

ياعينى لا متدمعيش مش مايستاهلوش بوكاكى لا

بلاش الم متفكريش ف اللي اذاكي وراح وتاه

الغل مربي نار

اوعي انتقام يقتلك دي غبره ف الحياه

مدبوح فرقبتي وعايش قولو ليا ايه اللي دايم

ايه اللي مخليني صاحي وبتنفس وكاني نايم

الصح اني استسلم واتاقلم ع الوضع اللي داير

ولا اقلب واتمرد واتحول ع كل اللي حاصل

معزول عن البشر عشان مش بدفع المواسم

مش بكتب الحضور وبهرب دايما م المراسم

مش عايز ابقي من القطيع ولا عايز ابقي راسم

وطباعي واحده افضل شايلها انا لحد المدافن

دنيا كدابه و كئيبه

وناس بطباع غريبه

كلو بيخبط ف كلو

وكان الفرح عيبه

نمسك الطيبه نلاقيها

شحه وفاضيه وعجيبه

نمشي ونمل ونسبها

نمحيها م الخريطه

لسه نسايه وغدوده

تعمل م الغش موضه

ورده دبلانه متسابه

وشواكها لسه سوده

نومها كان عباده

تصحي تكمل اعاده

وكانها متفقه تعمل للبشر اباده

دبلان يا رمش العين عليك دموع من اللي صابك

السهم مش بيصيب غير من دمك ومن صحابك

لساك يا كهف الحظ بتغر ف كل اللي داقك

ساحب وراك عدد ضحايا عشمانين ف بابك

مولد وصاحبه غايب مبيعزمش غير عزاري

وفيه سقوط البخت بيخلص اسرع م السجاره

دكان حياتنا ملوش زبون واتهد م العفاره

عف عليه الزمن ماخدنا منو غير خساره