كلمات اغنية غمضت عيني احمد الواهبي وسعيد القحطاني

غمضت عيني احمد الواهبي كلمات

غمضت عيني علها تسرق النوم

سهرانت لين السهر مل منها

ودي يداعبها الكرا غير يقوم

تقول كني طارد النوم عنها

خمسة عشر ليله وخمسة عشر يوم

والعين نومن تسرقه ما مكنها

يامل جفن صادفه حزن وهموم

حط السهر له مهنةن منتهنها

مبطي من السجات وعلومي علوم

والله مدري ياملا ويش كنها

لا بلحق الشرهه ولا بكثر اللوم

دام الليالي ذيك ولا زمنها

والموت حق وسنة من سننها

غابت وجيه وجعل من غاب مرحوم

وجه البسيطة عن عيوني دفنها

ياعنك فاقد لي مطاليق وقروم

عوادي عسر الزمن ما شحنها

قضاية الازم ونطاحه القوم

من ضامته سود الليالي زبنها

مجالسن عطرة وعادات وسلوم

حتى العدو دامه قصيرن ومنها

لاتنقل الكبرة ولا تنقل الزوم

واليوم كلن قام يامر وينهى

تصدر المشهد خبالين ورخوم

كذب المظاهر فتنة من فتنها

وصرنا نسميهم قداوات ونجوم

وهروجنا مغير عانة وعنها

سوالف خبله وقصات ووشوم

حتى الكرامة صورت في صحنها

وان طالت الغفلة دفعنا ثمنها

وانا ادمي ماني من الذنب معصوم

لكن ارد النفس واحكم رسنها

احج واصلي الصلوات واصوم

وسلوم ربعي ماتخليت عنها