كلمات اغنية غموض الهدب سالم السريعي

غموض الهدب سالم السريعي كلمات

ياعينها اللي طرفها زلزل اطرافي

ورموشها ترجف وفي موقها ونه

اخايل بروقها في جالها الصافي

واشوف همالها ع الخد له شنه

مابين برد الهبوب ومزنها الدافي

اجفل صوابي وفكري مختلف ظنه

حاولت ابين حقايق سرها الخافي

واكشف غموض الهدب قبل اقترب منه

والسد لا تبحثه يا ناشدن عنه

صلف الهبايب قدم والسافي خلافي

والحظ عاثر من اول ما ظهر سنه

شهور عمري قحط وسنينه عجافي

وسهوم الأيام مسمومه ومنسنه

الحب عله وطاري الحب ينعافي

وامحق محبه تجيب الهم وتعنه

دايم جريح الهوى ماهو بمتعافي

لاطاب جرحه ولا الأوجاع بتحنه