كلمات اغنية غيم الدمع خالد ال فروان

غيم الدمع خالد ال فروان كلمات

البارحة ربي كتب لي ومريت

درب عليه بروق الأحباب لاحت

جيت المكان اللي جمعنا وخفيت

وقامت جروحي للجوارح وصاحت

والتم غيم الدمع من يوم لفيت

وورقا القصيد لشوفة الغيم ناحت

ياليتني في لفة الدرب زليت

كان العيون من الدموع استراحت

لكنها غصب على العين ساحت

حارت دموعي في عيوني وصديت

وأرمشت ابيها ماتبين وطاحت

وعقبه برق في العين براق واسقيت

خدي ووناتي بصدري تلاحت

وأنا أحسب إني في فراقه تشافيت

وان عبرتي من مدخل الزاد زاحت

اللي يحسب إني على البعد سجيت

والا ان عيوني للرقاد استباحت

ياليتني من قبل لا أحبه اقفيت

والا ان دروبي عن دروبه تناحت

وأشلا من سدود على الناس باحت

عرفت كيف الحي يفرق عن الميت

وعرفت قيمة نعمتي يوم راحت

قولوله اني عقب بعده تدانيت

ورجلي عن دروب المعافين شاحت

البعد نار وطاعة العذل كبريت

يقصر على بعده ترى الكبد فاحت