كلمات اغنية فاكرهالك محمد حمزه

فاكرهالك محمد حمزه كلمات

وقت ماكنت هموت و اتكلم و انت سألتني مالك

و اما لقيت الحمل تعبني و قلت هشيله بدالك

و اما فرحت و جيت جري حكيتلي و قلتلي عقبالك

كل دي افضال انا هفضل طول العمر شايلهالك

رغم الدنيا و ديقة وقتك جيت و قعدت معايا

ارمي هموم جواك و انت كمان ترمي هموم جوايا

نقسم لقمتنا و نشرب شاي من نفس الكباية

رغم ظروفك كنت بتقسم آخر قرش معايا

و نطبق تحت البيت في شارعنا و نعمل سهراية

انا لو رزقي في دنيتي هو انت أكيد انت كفاية

انك مهما تكون مشغول انا دايما برضو ف بالك

ودايما بتقول ان انا اقرب واحد بالنسبالك

و ان انا اسمي هيتسمى لأول عيل في عيالك

كل دي افضال انا هفضل طول العمر شايلهالك

معلومات الاغنية

كلمات محمد القاياتي

الحان محمد حمزة

تصوير عماد شرباش

جرافيك ديزاين محمد حمزة

فيديو ليركس محمد حمزة