كلمات اغنية فتنة القوم مالك الهريسي

فتنة القوم مالك الهريسي كلمات

السهر والمطر والليل واحكاها

والشعر والمواضيع الخصوصيه

يسعد الله سوالفها وطرياها

وضحكة الغنج والروح الطفوليه

لاضحكت تضحك الدنيا من اقصاها

ولازعلت تزعل الارض الكورويه

لدغة الرا تغيبني مع راها

لكنة الحرف ممزوجه ب حنيه

الظفر عندهم بصمه وراثيه

الوفا والسنع والجود مرباها

بنت لكن مواقفها رجوليه

لو تمد المصايب ب اتقهواها

والله ان اشرب الفنجال جهريه

كن حزني وضحكي وسط مخباها

تصرفه في طريقتها المزاجيه

لو تمر القفار الجرد تملاها

ياسمين وخزامى اقحوانيه

ولو توزع على العالم نواياها

تنطفي جمرة النفس العدائيه

تصرفه في طريقتها المزاجيه

اجمل اشيائي الفخمه هداياها

واجمل اشيائها شيله غنائيه

يا خلاصة نعم ربي واغلاها

يامتاع الحياة البرجوازيه

الثقه والرزانه من مزاياها

والحسن والدلع فطره الالهيه

بنت شيخن على الطولات رباها

لا اعتزى ترهب العالم عزاويه

يوسفية جمال الله ياقاها

عن عيون الحسود مشين النيه

فتنة القوم من يحصي ضحاياها

لامشت تجدع قلوب الهواويه

مفترض كل ماتطلع من إحماها

لازم تكون متبوعه بدوريه

بين ذيك العيون وبين ممشاها

ضاعت القوم من ذيه ومن ذيه

جادل من خطف مزة ثناياها

مايغبط الهوامير التجاريه

الكرز خدها والتوت ب شفاها

وبين رمانتيها احلام ورديه

ماينافس غلاها غير ملقاها

والمحبه لها مليون بالميه

مايوصف محبتنا و حلياها

غير حب الكويتي ل السعوديه

جعل كل البنات الغيد تفداها

والعفن راعي النفس الدوينيه