كلمات اغنية فخر كل ودعاني خالد ال بريك

فخر كل ودعاني خالد ال بريك كلمات

بعد طول الغياب الي تمادى مسيره

مايحرك هجوسي غير وقت المساري

فوق جيب مع الطـرقه يـروع هديره

لاسرا فالمهـامل كنـه ذيـب الغداري

ساري طول ليلي لين ضوح السفيره

حي شوف النفود وحي شوف الصحاري

بــدوي وجــو البــر دايــم يثــيــره

هو علاج الضمير وهو طبيب الطواري

ويل نفسي على المشراف في كل ديره

وشـوف جـو نبـاته ساقيتـه الخـباري

وعزلة فالخـلا تسـوى القصور الكبيره

تبعد الهم عن قلب من الضيق زاري

وانشراح الصـدور الي كوتها العزراي

وصدتن عن مجمعـة الهروج الكثيره

خيـر منها رواة الترمـذي والبـخاري

وللسليل ديــار العـز عجـل مسيـره

ديـرتن تمن الي مالقـى له مـذاري

ودعوة الي لهم في قمة المجد سيره

يوم تصدح الاسامي بين كاتب وقاري

بين سبع النحايا وسط شبه الجزيره

عاد ضـرب المجوخ والقنا والشباري

يال هجاج جزل المدح فيكم مصيره

يافخـر كل ودعـاني وفيـكم يمـاري

لاتنـادو بجـمع مثـل جيـش المغيره

يرخصون العـمـار ودون رد المثـاري

سعد منكم حزامه يالسيوف الشطيره

يوم دبك الخيول ويوم رمي السواري

ويوم نجـد مابين القايمه والكسيره

سطرو لاد زايد مجد ماله امجاري

يوم للسيف فعل ويوم للقوس باري

والحفل شيدوه اهل الوجيه السفيره

كرنفـــال ماكنـه غير حـفـل وزاري

وانت يامحمد الهجـاج مقدم عشيره

جعل يفداك من راسه عن الطيب عاري

شيختك شيختن تطغى على كل سيره

مزبن الي حداه من الصواديف جاري

ياحجا الخايف الي مالقى من يجيره

من بلاوي الزمان ومن سباع الضواري

وحفلكم يابني عمـي مادونه ذخيره

ابشرو كل ماجا للمواجيب طاري