كلمات اغنية فريدة الحسن فايز الدوسري

فريدة الحسن فايز الدوسري كلمات

تكفكف الليل والصبح ابتداا بالظهور

ونسايم الصبح للشاعر ماجا زينها

معها تبيح الصدور اللي بـ وسط الصدور

ومعها المحبين تشتاق لـ محبينها

كم لي مقفي عن الساحه ولا لي حضور

عقب الـولع فـي ملاعبها وصفينها

والله مـدري تشبع شـعر والا فتور

والا حـياتـي تـغيـر كـل روتيـنـها

وبقدرة الله قدرت افلت من يدينها

اخذت من حكمة الشيبان حدب الظهور

تطعم حلاها ليا جربت آآمرينها

وعن كل ماصابني تخفيف ذنب وطهور

صححت غلطاتي وسددت تامينها

لبيه يا آخر ثلاث سنين واربع شهور

هي اسعد ايام عمري وابرك سنينها

لقيت فيها المحبه والفرح والسرور

اللي من اول شبابي ماعرف وينها

مع قبلة الزين والقلب الحنون الغيور

معاد اغبط المضانين بـ مضانينها

فريدة الحسن والله مايجيها قصور

من يوم فجت ضلوعي ونزلت بينها

هي والله اللي يحق الها الدلع والغرور

اللي تشوف المزايين بطرف عينها

اقول حبك على القلب الصخيف محفور

وتقول حبك غذا الروح وفتامينها

تامر وتنها عليه في جميع الامور

من سلهمتها ومن نظرات ثنتينها

الناس تحت الاوامر عند اشارة مرور

وانا رهين الاشاره من حجاجينها

ياغلا من اغلى ذهب يازكا من ازكا عطور

مـا دامني حـي عينك لاتبكينها

يافتنة الارض مابعدك من الحور حور

اخذي مفاتيييح قلبي لاتخلييييينها

شوفتك مثل الحيا للارض عقب الدهور

وفرقاك شينه واعرفك ماتسوينها