كلمات اغنية فهلوة زمكان

فهلوة زمكان كلمات

اصحى يابني

فوق في جامعه

أول محاضره

الساعه تسعه

بصحي فيك

من قبل سبعه

بقينا تسعه

دلوقتي الا اصحى يا اما

يا اما ايه

بالشبشب

حاضر يا امي

خمسه و قايم

كوبايه قهوه

على اما أفوق

اصحى بسرعة

هاصحا و نازل

عيني يا ماما

صباحك فله

نزلت مش طايق اشوف حد جمبي

الناس زي السنافر بس لونها بمبي

ماشي و سارح ف الوشوش البائسه

راكب مواصله حالتها زي الفل

نزلني ياسطى محتاج اوكسجين

قولت اما اسأل اي حد امشي ازاي

أول واحد سألته قالي هو قالك فين

فهلوه لوه لوه لوه ماله الكاست

فانا بقه على نفسي هاعتمد

وصلت الجامعه على ثالث او رابع محاضره

مدرج زحمه و انا بغني و اقول

زحمه يا دنيا زحمه

دكتور ف عنيه مرسومه قلوب

لو بنت بتسأل في الماده

انما لو شاب اللي بيسأل من غير مواعيد

اتطلع براااا

فهلوه لوه لوه لوه ماله الكاست

فانا بقه على نفسي هاعتمد

بعد الجامعه هقابل حبيبتي

اصلها زعلانه شايله مني

ويادوب بسألها أين انت

قالت يوووه قفلت ف وشي

اتصل اتصل

يديني مشغول عمال برن

المستفزه اللي انا حبيتها

لبكره هفضل وراها ازن

مفيش فايده كلمت صاحبتها

ارجوكو بقه حاولو تصالحوني عليها

قالولي اهدى احنا نتصرف

هنكلمها نشوف ايه اللي فيها

يوم يومين فات يجي شهرين

ولا حد عبرني بكلمه

اتاريهم سخنه الدنيا

بنزين ع النار ولعوا مابينا

فهلوه لوه لوه لوه ماله الكاست

فانا بقه على نفسي هاعتمد

بعد يوم طويل دخلت بيتي اخيرا

هاكل و هاشرب وانام ف سريري

بفكر ف الدروس المستفاده من يومي

الدرس اللي استفدتوا هوا

فهلوه لوه لوه لوه ماله الكاست

فانا على نفسي هاعتمد