كلمات اغنية فين الشتا محمد رافت

فين الشتا محمد رافت كلمات

فين الشتا

والساقعة فييييين

فين الشتا يامصيفين

طب فين الشتا

انا خلقي ضااااق

يا صيف lovers

مابلاش غبااااااء

زهقت ليل نهار بلزق رايح جاي اشتم وأهزق

اي حد يجيلي علي سكة

مانا مخنوق واعذروني

حران مش طايق هدومي واستويت وبقيت علي تكة

طب ياشمس خفي

دلوقتي بجري منك تسلخيني ف متلاشيكي

عاملة زي سواقين عصافرة بحر ليه

اشوارله يتجاهلني ويسيبني لما انده عليه

واما اعمل عبيط يجي يقول مريخ يابيه

فين الشتا

والساقعة فييييين

فين الشتا يامصيفين

طب فين الشتا

انا خلقي ضااااق

يا صيف lovers

مابلاش غبااااااء

عجباكوا الولعة ليه والتلزيق ده مفيد ف ايه

دانا ناقص اخترع تكيييف ف هدومي وامشي بيه

ستين مشوار مأجلهم علي اول الشتا

حتي الأكل والديليفري بيحلي طعمه ف الشتا

حتي الشياكة ف الهدوم بتبان ياعم ف الشتا

علي استعداد ف حب الشتا اعمل مليون كتاب

احساس السقعة برقبة ألف ساحل يتسحل

أول ما أسمع صوت الرعد انا من جوه بتغسل

حالتي النفسية فريش مزاجي بيطلع ف السحاب

وحشتني القهوة وصوت فيروز جمبها صوت المطر

طبق البليلة اللي اجدع من مليون صاحب غدر

انا كل الصيف مايطول ببقي ف مرحلة الخطر

ومعدل الجرايم جوه حياتي بيرتفع

يغور الحر انا ليل نهار عمال بخسر ف ناس

وستين ألف دش مش قايمين بالليلة ياناس

بوصل مشواري مبهدل وانا والله ابن ناس

هروح اعيش الصيف ف روسيا وارجع ع الشتا

دورت علي جدعان الكل جلي وخاف

وماشالني انا ف شدتي غير كلسونين ولحاف