كلمات اغنية في ناس نتالي سابا

في ناس نتالي سابا كلمات

في ناس تتوه

و ناس تعيش

و ناس تطير بجناح و ريش

في اللي صابر

و اللي حاير

و اللي غاوي شكل و مناظر

و اللي طول الوقت راضي

و اللي واخد كله عادي

و اللي عاش الدنيا دي سجن انفرادي

مايهمنيش في سكة سالكة او مفيش

مايهمنيش شكل الحكاية كلها

انا مش هاكون غير بس نفسي ، هاكون انا

في ناس حويطة

و ناس عبيطة

و ناس بتمشي في ضل حيطه

في قلب نفسه يحب مرة

و قلب حظه اشارة خضرا

اللي ساكت غرقان في نومه

و اللي شايل جواه همومه

و اللي عاش اليوم بيومه

و اللي مش طايق هدومه

و اللي جوا دماغه زحمة و ناس و زيطة

مايهمنيش في سكة سالكة او مفيش

مايهمنيش هاعرف لوحدي ازاي اعيش

انا مش هاكون غير بس نفسي ، هاكون انا