كلمات اغنية قبر العشق زياد الدساس

قبر العشق زياد الدساس كلمات

انا اللي يجرحني اكسره .. و هما داسوا عليا و إفتروا

هتحزنوني هروح اغني فـ زيدوا في حُزني كتّروا

وهموني بـ قصور .. و حطوا بيني و بينهم سور

مبسوط !؟ .. أسفكوا مش هيصلح أي شئ مكسور

قد ما احب بكره .. بضحك دي نقره و دي نقره

احسن هبقى بكره أفضل , دايماً حُزني يبقى فقره و لحّن

سكاكين الدنيا حاده الصدمه كانت جامده

دي حبيبتي شايله ضميرها و حاطه بداله مخده

نفسيتي واخده عـ الكلام ده يعني و قلبي إتودّك

و ياريته ما ودّك , ده إنتي حلال فيكي مشاعرك تتفرتك

مبروك مقدماً .. هجروك بلا تمن .. حُب لا يؤتمن

هكون مع الزمن .. سَتبكون بدل دموعكم دماً

كنت بعاتبك و قلبي متكسّرش و فيه الرَمق

فـ سهله كسّر .. أثّر .. خلي المكسور يدشدش اكتر

قصّر في حقي براحتك هفرح امتى بستفسر !؟

----

عمري ما عيشت .. زورت مشاعري في قبر العشق

و اتوغوشت اما اتدشدشت , حُزن صوتي وصل لـ دمشق

و عادي معلش .. ذكريات دبان و بهِش

قلبي هَش فـ مفتكرش .. بكره هفرح !؟ - مفتكرش

2×

----

سلمت و مشيت .. كتّمت و بكيت .. كلمت في الحيط

و بقيت حزين , و بغيت مبكيش و اروح البيت

تربت عـ الرفوف , اللعب عـ المكشوف

و برضو مش بشوف .. حُزني مش موصوف بـ اي حروف

قبل اما ألِف و أطوف الجرح كان مألوف صدقني

سمعت سكوت صدعني .. يا ملك الموت إلحقني

بـ حُزنه في قلبي اهو حقني , قرالي الفاتحه فـ حرقني

يا صاحبي إنجدني حوش عني متروحش تحكي سِرّي

متقولش مرضي لحد لا احسن هيخافوا مني

هيشاوروا عليا بكره يقولوا ده وحيد و بـ طوله

بسأل نَفسي لـ إمتى هبكى لوحدي الليل بـ طوله

و محدش داريان .. بس الحيطان شهود عيان

و انا قلبي عيّان بـ ناس عيّانه بـ حُب عالم مش جدعان

انا امتى اتعان .. ما تفوّقوني بقى يا جدعان

قولتلكوا " مش عايز اشرب " .. فكرتوني بـ أيام زمان

----

عمري ما عيشت .. زورت مشاعري في قبر العشق

و اتوغوشت اما اتدشدشت , حُزن صوتي وصل لـ دمشق

و عادي معلش .. ذكريات دبان و بهِش

قلبي هَش فـ مفتكرش .. بكره هفرح !؟ - مفتكرش