كلمات اغنية قتال القلوب خالد عبد الرحمن

قتال القلوب خالد عبد الرحمن كلمات

محدٍ على ايديك النواعم ضربها . . . ما انت بـ على كل الذي صار مغصوب

محد تيقّن بك ولا احدٍ حسبها . . . تبي تسكتني الى قلت مكتوب

ما نعترض لكنك انت سببها . . . ممنوعك اللي تزعمه صار مرغوب

بصيرتك مدري وش اللي حجبها . . . ضاقت بك دروبٍ وضيعت انا دروب

النار في جسمي توهج لهبها . . . خطرٍ علي عظام جسمي لها تذوب

كاسات مرك قلبي اللي شربها . . . ما اعتدت اذوق المر من يدّ محبوب

مدري وش اللي في حياتك قلبها . . . تبي الصراحة انت قتال القلوب

فاتت واشوف انه تزايد كربها . . . عسى الفرج ياتي وينحل مكروب

في سوق حبك لين رسم نصبها . . . وتركتني حيٍ مع الناس مصلوب

ودفنت روحك يوم غرك شببها . . . حسبك لوحدك وانت بي دوم مصحوب

أسرجت خيلي ثم غيري ركبها . . . خيالها ماله على الخيل من صوب

طارت بها ريح العواتي هبـبها . . . في ليلةٍ لا سلم فيها ولا حروب

اخترت من سو الخلايق عربها . . . دامك تخيرته فانا منك مسحوب

نفسٍ حرمها الله ونفس وهبها . . . هذا له طلابَه وهذاك مطلوب

إلا جروحي زاد فيها عطبها . . . بغيت انا الفكة وعودت منشوب

الياس فيني هز نفسي وغلبها . . . وانا اللي معلق بقلبه ومقضوب

نفسي ولو عافت قدرها غصبها . . . ترضى بواقعها ولو كان مزروب

غنيت ليلة كل حزني طربها . . . مرات اهيجنها ومرات مسحوب

وجمعت في نبرات صوتي عتبها . . . وعن غلطتي استسمح اليوم واتوب

حتى معاميلي على الجال كبها . . . جنبت خلق الله كما حال مجروب

حالي بك أصلح حال وأجمل وهبها . . . حالي بدونك من عوافيه منهوب

صدّك خطف ضحكات عيني وسلبها . . . ولا ترى وصلك يرد الفرح نوب