كلمات اغنية قطعة الماسه فايز العتيبي

قطعة الماسه فايز العتيبي كلمات

الاعجاب جابك مثل جيت هلال العيد

بعد ماتعمقتي بشخصه وبحساسه

تشوفينه النادر وفي شعره التجديد

مشيتي بدرب الشك وابعدك وسواسه

قريتي بيوتن مبطيه في عنود الصيد

قررتي تصدين والصد عوماسه

يقولون قلبي مدهل وهاويله غيد

وعلي الحرام ان قلبي قفرن ماحد داسه

ماتنفع مع المنعوت واللي قوي باسه

تجين بجبروت ومعاند وكبر وكيد

وانا يوخذ المسباح من يدي بسياسه

تعاملك بالقوه يزيد الوضع تعقيد

ترى القوه احيانا نقط ضعف حساسه

عشقتي من الشعار شاعر وراسه حيد

والاكيد قلبه معك ماهو مثل راسه

احبك وانا عبدن لربي صبي توحيد

اصونك وقصرك ماتخطيت حراسه

متى الله يجيب اليوم هذاك بالتحديد

البسك دبله والنحر قطعة الماسه

يغنون فيك احلا العقد لباسه

وانتي مقبله طلتك تستاهل التمجيد

ولا فيه فجن ماتنطحك نسناسه

على جرتك حتى السحايب تحسد البيد

يجون البدو على خطاويك عساسه

لامرتي روضن ممحل سنين بالتاكيد

نبت عود صفاره وشيحه وبسباسه

عنقن اربعينك بالشبه كلهم تقليد

تعرفين زينك زين معدومه اجناسه

مفاتنك ماترحم وانا العاشق الصنديد

لاقربت من عودك مثانيه مياسه

اغيب من عيونك مثل سكرة العربيد

فقدة الوعي وادراكنا يلفظ انفاسه

بديت القصيده فيك بين النحر والجيد

وانا شاعرن ماشاب قلبه وهوجاسه

يوم اني قفلت بيوتها فيك جبت العيد

يديني على خصرك مقفلتن اقواسه