كلمات اغنية قلبي بيصرخ من الوجع جمعه فيجو وناصر غاندي

قلبي بيصرخ من الوجع جمعه فيجو كلمات

عايش يا نآس حزين اشكي همي لمين

مبقتش خلاص أأمن للبشر دول تعاابين

حاسس اني في غابة عايش مبين ديابة

ماتت بينا الطيابة مفيش مكان للمخلصين

كله بيحب نفسه محدش بيفكر في غيره

بقينا ابليس ننافسو وابن آدم ميت ضميره

يآ منجي من المهالك مبقاش في حد سالك

في ايه يا دنيا مالك ليه الطيب واكلة خيره

تسلمي يا شدتي طفشتي صحبتي

ع الأصل ظهرو بانو العيش والملح خانو

ده أقرب ما ليا بعني وكان سبب في دمعتي

موجوع قلبي بيصرخ مش قادر يشيل همومي

زهقان مخنوق وشكلي بجد هطلع من هدومي

تعبت من المعافرة في دنيا ظالمة كافرة

امتا يا حزن تمشي ويا ضحكة على وشي تدومي

عاشرت ناس كتير ملقتش في حد خير

محدش قلبه سالك كله مات فيه الضمير

مبقاش في حد طيب والفرح طفش وغيب

على كتفي هموم تشيب جوا قلبي جروح كتير

طافح من صغر سني الكوتة وواخد ع الشقى

والدنيا حوالين رقبتي لفة حبل المشنقة

فوق كتفي الحمل شايل وحظي وبختي مايل

في الفرح يا نآس بحايل يحن ويزورني بقى

أنا وشوشت الودع ملقتش صاحب جدع

صحاب زمانا سكة شوفنا منهم البدع

كلاب ملهومش ملة أندال وبالادلة

بيمثلو الرجولة ودايما فيهم بتخدع

مصدوم م إلى بيحصل والي شوفته من الي مني

سابوني في عز حاجتي وشدتي واتخلو عني

مع اني كنت ليهم شهم وجدع شاريهم

دلوقتي مش لاقيهم الكل سابني في ضيقتي خاني