كلمات اغنية قمة المرجلة جفران بن هضبان

قمة المرجلة جفران بن هضبان كلمات

مابين وقت الهجاد وبين وقت الغبش

والهاجس الشاعري والليله المظلمه

عطوني القهوه اللي مثل لون الحبش

عز الله ان السهر مجرم وهي مجرمه

شرابها يذن المذن وهو مارمش

اتقول متلبسه جنية مسلمه

والفكر والشعر والشعار تطلب حرش

وانا ماني برحم اللي مالله بيرحمه

يامدعين القصيد اللي عجزت افهمه

اما نحت كل شاعر فالصخور ونقش

قولوا له اسمه ليا هلحين بالمرسمه

الناس بعقولها ياناس ماهم دبش

كل يوازن كلامه قبل ينطق فمه

والنيه الصافيه يحرم عليها الغشش

والصدق راعيه يغلب راعي الهيلمه

اللي يعذرب رفيقه والله انه هقش

حتى لو يجيه منه موقف يصدمه

حش العراقيب مثل مماعط بالشوش

وانا من اللابه اللي يوم دهم النمش

تضربها المعتدي لين يتناثر دمه

من روس جمع المنيدي لابطش من بطش

من طبعها كل خشم يرتفع ترثمه

والله لو تشلني الاقدار فوق النعش

مارخصت ابن عمي اللي جعلني ماعدمه

في مدحه اشوش و اطرب وانبسط وانتعش

واللي ماهو ينتعش خله يعظ شحمه

في طيب الراس مهما قلت ماتبتلش

تلقى لك اسلوب لايق فيك تستخدمه

لا شفت رجال صيته ذاع لاتندوش

حتى ولو كانك اطيب منه لا تظلمه

ترى الصراحه لو انها مثل سم الحنش

ماتزعل الا كذوب كنه مسيلمه

عين الحقيقه تشوف وماعليها غبش

المشكله فالقلوب اللي تقول فحمه

من يلتحف بالوفا والطاله ويفترش

ماتشرقه كلمة الحاسد ولا تفحمه

سلم علي اللي نهار الضيق مايرتبش

ماعنده الا ابشر بعزك قبل تزهمه

يقطع على شانك الفرجه وياطا العتش

كنك على واجب يستاهله تعزمه

ليت الرجاجيل مثل مبارك ابن دغش

كان الرجاجيل مافيهم ردي ورخمه

دكتور ماغيرت بيكوز ولا فنش

عادات جدانه وتواضعه وكرمه

راعي حجاج مع الايام ماينكمش

من جاه في جاه ولا في لزوم خدمه

مدهال من طاوله كثر التعب والطفش

واركى على كبده الحظ الردي ميسمه

من خوه مسفر صليب الراس ماينخرش

ياسعد منهو نهار الكايده محزمه

في قمه المرجله يطلع طلوع الوحش

القمه اللي عليها يسترد نسمه

من طيبه الراس يطول والعقل يندهش

اخلاقه تشرفه وفعوله تقدمه