كلمات اغنية كام شريط ونوس

كام شريط ونوس كلمات

رزقني الحزن بعشرين ألف ودن أحكيلها

لكن كان فاشل يخلي ودان حبايبي تحب تسمع

ليه في العشرينات ولا أملك وظيفة وبيت

أملك نوتة وكام حدوتة وأب بشوفه كل فين وفين

رجليا فين هتودي غير عالأوضة يعني

8 سنين وأنا بعدي كل ضيقة لوحدي

مكدبش عليك ساعتها فضلت أقول أكيد هتعدي

وعدت بس يعني كانت شبه جابت أجلي

أنا فضلت أعاند مرض لما المرض نفسه تعب

كانت كل الناس بتقول الواد ده مستحيل يتغلب

وعشان في أقلامي قصص بتخلي الورق يترعب

بعد كل اللي أنا حبيته سابني وسط الحوسة

أنا كان زماني فتى الشاشة لولا بس الكوسة

كان فاضل بس دوسة كان فاضل بس دوسة

فضلت تقول مش همشي لحد ما شوفتها في الكوشة

ليه كل ما تاخد خطوة ترجع ألف غيرها لورا

بتوقف قطرك ليه لحد معوش تمن تذكرة

ليه إختارت أقل الضرر ما في الحالتين كان خرا

رجاله ياما تاهت بس عشان صدقت مره

طب ليه كل اللي قلبي حبه راح وإتساب لوحده

كان كل تراك في ذكرى لحد عشان كده بمسحهم

منجحتش رغم كوني عارف السؤال وإجابته

كل اللي بص لفوق دلوقتي بيعالج رقبته

والنوم مبيزورنيش مهما أبلبع كام شريط

كان كل الهم فيا ولما شوفت عينها شفيت

دلوقتي الهم فيا وعينها بتبص لغريب

يا شقيق أنا كنت فاكرك صاحبي والزمن صحصحني

مبقتش أحتاج للفركة عشان الدنيا بتصبحني

أنا حتى في بيتي قلبي مبينطقش غير روحني

مبقتش لاقي في أي وقت وأي حته راحتي

بقيت حاسس بالعار تجاهي أنا عايز أنساني

مش عايز أكتب تاني ولا في الشات ولا في الأغاني

بليل في نص الشارع ماشي مع تراك الملاهي

من زعلي على اللي ضاع ضيعت من إيديا الباقي

ليه كل ما تاخد خطوة ترجع ألف غيرها لورا

بتوقف قطرك ليه لحد معوش تمن تذكرة

ليه إختارت أقل الضرر ما في الحالتين كان خرا

رجاله ياما تاهت بس عشان صدقت مره