كلمات اغنية كل ليلة وكل يوم ام كلثوم

كل ليلة وكل يوم ام كلثوم كلمات

كل ليله وكل يوم أسهر لبكره فى انتظارك يا حبيبي

فكري طول الليل فى ليلك والنهار كله فى نهارك يا حبيبي

يا ترى يا واحشني بتفكر فى مين عامل ايه الشوق معاك

عامل ايه فيك الحنين

سهرت السهر فى عنيا صحيت المواجع فيا

كل ساعة وكل ليله وكل يوم بعد ما اطمن عليك

ح يجيني نوم يا حبيبي

قوللي إيه حلو فى حياتي وانت غايب عن عينيا

السهاد أنا فيه ليلاتي والبعاد طول عليا

يا حبيبي أنا من كتر اللى قاسيته وداريته عليك

مش بصدق اني اتحمل فى يوم فرحة لقا عيني بعينيك

يا ترى يا واحشني بتفكر فى مين عامل إيه الشوق معاك

سهرت السهر فى عنيا صحيت المواجع فيا

كل ساعة وكل ليله وكل يوم بعد ما اطمن عليك

ح يجيني نوم يا حبيبي

كل نار تصبح رماد مهما تقيد إلا نار الشوق يوم عن يوم تزيد

ابعت لي قل لي انت فين لو تقدر

بستني منك كلمتين مش أكتر

يطمنوني حبه عليك وع المحبه

يا ترى يا واحشني بتفكر فى مين عامل إيه الشوق معاك

عامل إيه فيك الحنين

سهرت السهر فى عينيه صحيت المواجع فيه

كل ساعة وكل ليله وكل يوم بعد ما اطمن عليك

ح يجيني نوم يا حبيبي

كان قربك هنا وحنيه وليالي جميله هنيه

طار بي الأمل بجناحه ولمست النجوم بايديه

وف بعدك يا عيني عليه الدنيا بقت موش هيه

وح افضل كده يا حبيبي استنى الليالي الجايه

يا ترى يا واحشني بتفكر فى مين عامل إيه الشوق معاك

سهرت السهر فى عنيه صحيت المواجع فيه

كل ساعة وكل ليله وكل يوم بعد ما اطمن عليك

ح يجيني نوم يا حبيبي