كلمات اغنية لحظة لقى عبدالرحمن القريشي

لحظة لقى عبدالرحمن القريشي كلمات

الحب مثل الفقر مايرحم وكلن يشتكيه

واواخره ماهيب تشتبه بالصحيح اوايله

كم واحدن حطّم طموحاته ورخّى منكبيه

ماقد ذكر حيّن على الدنيا شكر فضايله

شابت نواصيي من الحب القديم ومايليه

معاد تنفعني مشاريف الجبال الطايله

حنا تفارقنا ولكن دون كيف ودون ليه

انا مع الدنيا كذا دايم حظوظي مايله

هذا الكلام اللي تمنيت آعرف من قايله

حالي بعد قصة غرامي ماش مايحسد عليه

كبرت وارسومه على وجهي وقلبي شايله

ياليت وصله ينشرى وابيع روحي واشتريه

لحظة لقى عندي لها تسوى الحياه الزايله

ليته قمر واخايله ماهو بشرط اني اجيه

بس البلا اني ماقدرت اجيه والا اخايله

الله يطول في بقاه ويرحم الله والديه

اللي اتعبوا في منسبه ماضيّعوا دلايله