كلمات اغنية لزوم ابن عمي حان خالد ال بريك

لزوم ابن عمي حان خالد ال بريك كلمات

على طارة الي من تيوتا مهوب نيسان

جديد المديل الي تهول تواصيفه

لقطت السريع وعاد نور الفجر مابان

ابي تختخ مافيه للمجتمع شيفه

ياسلطان بلغ ريس الزام ياسلطان

انا شخص اكثر مايهمه مواقيفه

لزوم ابن عمي حان والشعر طرقه زان

وانا اطرب على الابداع واحب توليفه

على كل رجال كسبنا بتشريفه

على محفل حصان سنافي ونسل حصان

فعول الجمايل فنه وذوقه وكيفه

شهر بالجمايل عند الاجناب والصحبان

وافرح ماتشوف عيونه اليا لفى ضيفه

سعد جعل يفدا راسه الطيب الرديان

نماري به ونفخر به وفي مواقيفه

هذا ذخرنا وحزامنا المحزم المليان

على روس عسرات الصعايب مشاريفه

من ربوعي الي عادها غارتن واكوان

ملاذ الدريك الي حياته غدت خيفه

وكثرت ملاويه وكثرت محاريفه

بهيباتنا ترعى ابلنا مخطر الحدان

وحنا جنبها روس وجبال امنيفه

نوامين كم راس حذفناه من الامتان

وكم فارس منا تباكا مواليفه

من الاد مسعر سكرة الموت للعدوان

تجينا الجموع جموع وتعود معيفه

دواسر وصيت الدوسري فالجزيره بان

مثل بارق فالليل تلعج مراهيفه