كلمات اغنية لقاء اخير ونوس

لقاء اخير ونوس كلمات

شنطة سفر تذكرة سوبر چيت وبسكويت

قولت إني ماشي ليه مفيش وداع ولقاء أخير

إحساس مميت إنك ميكونش ليك مكان تروحله

من غير ما تشوف في عينيهم جملة انت حمل تقيل

الناس دي مش فهماني ولا أنا اللي مش مفهوم

72 ساعة صاحي راسي رافضة النوم

رغم إختلاف الشوطة الكورة برضه بتيجي عارضة

مع إن غيري بدون مجهود بيلاقي الكورة جون ليه

سؤال ملهاش إجابة ومسكنات وحجامة

ساكت لدرجة إن الناس فاكراني شارب حاجة

مظنش هلقى راحتي حتى لو بسعر سياحي

خبط كتير ومش لاقيني جوا

من يوم محطة مصر وفعلا كنت أنا مش هو

قتلت نفسي من ليلتين وحالا

محتاج أحمد جديد أنا مش مبسوط بـ أي حاجة

في عز الحر أنا في الشمس

مش حاسس إلا بخوف وبس

أنا ليه مش لاقي حد شبهي

ليه في كل حد بلاقي درس

كان نفسي تحس يومها أو تبعتلي متمشيش

أنا 9 ونص الصبح واقف مستني الأتوبيس

ماسك موبايلي يمكن تيجي رسالة منها لكن

مجاش في همشي إتحرك يسطى أسف عـ التأخير

دلوقتي بس عرفت إن المشكلة مكانتش فلوس

أنا ناقص بيت وأهل قلب وضهر صحة وصبر

كان ناقص حب منكم مش ناقصني بس المهر

كان نفسي حضن أبويا يساعني زي ما ساع غريب

كان نفسي حد يجبلي ليه المفروض أنا اللي أجيب دايما

رسالة لأهلي ليه بتحسسوني إني مش منكم

ليه محدش عمل ليا زي ما عمل للباقيين

ليه دايما لازم أحمد يصبر يستحمل ويسكت

تطردني وتيجي تلومني بعدها إني مش بزوركم

أنا مش مسامح في اللي جرالي شاهد رب الناس

إن الأيام هتدور وبكره تدوقوا نفس الكاس

في عز الحر أنا في الشمس

مش حاسس إلا بخوف وبس

أنا ليه مش لاقي حد شبهي

ليه في كل حد بلاقي درس