كلمات اغنية لمحروم باد فلو

لمحروم باد فلو كلمات

في باب الجامع لواتني في منديل

حليت عيني ودموعي كتسيل ????

سْمحت فيَ ومشات تجري بعيد

خدات معها آحلامي وأنا باقي صغير

عندي لك سؤال وباغي له تفسير

واش الظروف لي خلاتك هكذا ديري

فكرتي غير في راسك وجيتك حمل تقيل

شنو ذنبي أنا راه غير ملاك صغير ????????

وخرجت للزنقة وبقيت فيها كندور

واجهت الدنيا وعمري ما رجعت للور

عشت حياتي محگور عرفت الظلمة من النور

سمعيني ، ماما ديالي ، جاوبيني ، ديما في بالي

ديما معايا ، واخا بعيدة

كنشد عيني وكنتخايل دار وأسرة ومعي ماما ديالي

لگاع لي جاو لذنيا ولقاوها بلا كلور

لونها كيف بغيتي ، سامح وقول هانيا ، وماشي نتا لي خطيتي .

_____________

Refrain

لگاع لي ضاقو المرار فحالي

لگاع لي خلاتو مويمتو

تيق في راسك وفي الرّب العالي

هو لي عالم بنا وحدو

لگاع لي ضاقو المرار فحالي

لگاع لي باه عمرو عنقو

وسلامي لكم كاملين ✌????

_____________

Couplet2

كنت صغير وكلامي غير ذموع ????

وكنشوف فيك وانت غاديا تروحي

وخايف وباغي ناكل في الجوع

وجاني البرد وقريب تطلع روحي

لو كنت تشوفي السنين لي فاتو شحال كنعاني

لو كنت تشوفي ، النهار اللول شوفي في عيني

ضحك عليك كلالك عقلك وأنا مالي

وسيدي ربي اشنو ذنبي في شيصرالي

الناس فرحانة وأنا كنشوف غير من بعيد

في قلبي شاعلة نار تكوي في وباقا تزيد

قلبي ولا حديد ، أكتر نهار العيد

واقع كيعذبني ملي كنشوف راسي وحيد

وهادشي كله سبابو راكم عارفين شكون

قالو فيها الشعراء أعظم ما في الكون

ماما ، راني بسبابك قاسيت بزاف

وخا هيداك عمرك علي تهون .

لگاع لي جاو لذنيا ولقاوها بلا كلور

لونها كيف بغيتي ، سامح وقول هانيا ، وماشي نتا لي خطيتي .

_____________

Refrain

لگاع لي ضاقو المرار فحالي

لگاع لي خلاتو مويمتو

تيق في راسك وفي الرّب العالي

هو لي عالم بنا وحدو

لگاع لي ضاقو المرار فحالي

لگاع لي باه عمرو عنقو

عيشو الحياة peace and love ❤️

وسلامي لكم كاملين ✌????

_____________

Couplet3

أنا لي والديا آغتصبوا آحلامي

وحكموا علي نعيش حياتي محروم

أنا الطفولة لي قتلتوها قدامي

خرجتو برائة وبقيت أنا متهوم

في هذه الرسالة نبلغ لكم سلامي

بابا ، ماما ، ماجيتش باش نلوم

كل نهار أنا كنشوفكم في منامي

_____________

Refrain

لگاع لي ضاقو المرار فحالي

لگاع لي خلاتو مويمتو

تيق في راسك وفي الرّب العالي

هو لي عالم بنا وحدو

لگاع لي ضاقو المرار فحالي

لگاع لي باه عمرو عنقو

عيشو الحياة peace and love ❤️

وسلامي لكم كاملين ✌????