كلمات اغنية ليستة اسامي محمد اسامة

ليستة اسامي محمد اسامة كلمات

بسال مجهولين احيانا عن بديهيات

اسمي عند بعض الناس مجرد ذكريات

الليل احلا مليان احلام

بسهر بغني يا ليلي يا ليل

الصحبة بتروح الوحدة بتفوح

و اكمل في السهرة طول ما فيا حيل

عندي ليسته باسامي اللي عدوا في ايامي

اللي عاش و اللي مات و اللي في يوم احتواني

اللي سافر نساني اللي لسه بيعاني

اللي عامل حسابه انه يهاجر مكاني

ع السما برسم خرابيش

برفع ايدي و طايل مفيش

ع السما برسم خرابيش

يا ليلي يا ليلي

هاغني في نهار او في ليل

يا ليلي يا ليلي

همول و اقسم طول ما فيا حيل

رسايل قديمة برحيق الرصاص

رسومات حكايات زمنهم خلاص

ماضي صعب يتجددمتحاصر متحدد

عاينهم في نفسي بعيد عن الناس

وسط الزحمة ماشي احلامي دخان قهاوي

مش شايف الا قلوب مش لاقية حد يداوي

في الشارع القديم شميت العود و الجاوي

فكرني بدايرة ناس ملمومين في النص الحاوي

بهدي ايامي اللي عدت و الصحبة اللي انفضت

و اللف و الدن و الدقن اللي ابيضت

لحلم يسندني ، لصحبة بتزيدني

لبنت خمرية غالبا هتسيبني

زي الحب ومية النيل

دول شايفيني عزازيل

ودول شايفيني ميكائيل

الصعب اني استحمل العادي اني استكمل

بتكلفت في المزيكا اتدفى و اتامل