كلمات اغنية ماجور ياقلبي منير البقمي

ماجور ياقلبي منير البقمي كلمات

يامنير سمعنا بصوتك ابداعات

مع صوتك اسرح يافتى بالخيالي

احيان ننصت للاحاديث ساعات

واحيان للشلات نطرب ليالي

ماتصفي الاجواء لنا كل حزات

مر عجاج ومر جو خيالي

مع البشر مانريد قطع العلاقات

لو ان بعضهم مانباله قبالي

ولاتهمنا الدنياء وجمع الريالي

اللي لهم حق علينا وشرهات

معهم نجود بجاهنا والحلالي

بعض المجالس فيها روس ومقامات

وفي بعضها تلقى الزرى والخمالي

اسوقها لاونسة جفوه وحسات

ولا اردها من جرف والا هيالي

لو لا مزوح بيننا والميانات

مع خيرة اصحابي عيال الرجالي

ولولا البل اخذ عندها نوب سجات

كان الله اعلم وش بيجري لحالي

وارفع يدي لك ياعزيز الجلالي

ياصدر عقب الفتح مثخن جراحات

بعدالطعون ربك تكون متشالي

ماجور ياقلبي طهور وسلامات

مع الشرايين الجدد والسمالي

دنيا ماتسوى همومها والملامات

يبي لها صدر وسيع شمالي

كل يبا اللي بخاطره مير هيهات

وش يقنع الانسان ياهملالي