كلمات اغنية ماني انا علي كاكولي

ماني انا علي كاكولي كلمات

إشتياقي لك حكمني وحكمه طاغي حيل

لا معيشني نهار وما ينوم ليل

ماله حيلة إنهد حيله قلبي من الفراق

ما قتلني وما رحمني ومنه ذقت الويل

شوقي مو معطيني فرصة ويا شي أرتاح

خايف من الجاي أبهرب منه للي راح

رغم بعدك فيني بعدك

ألمحك وأسمع صداك

ماني آنا وللأمانة ماني قد الشوق

عالق بصدمة غيابك عاجز إن أفوق

إنت شرط الراحة الأول وإنت أعز مخلوق

ولو غيابك ماهو بإيدي وكنت ما تنلام

قلبي ما يفهم كلامي ومافهمت الأيام

لما حلم يصير واقع من فرحنا نطير

بس صعبة لما واقع يرجع لأحلام

من هو قال أكبر وأنسى ما صدق وياي

هذا أنا أكبر وتكبر داخلي ذكراي

وذا حنيني يزيد فيني وحبي لك يزداد

كنت وتبقى الأغلى ما ألقى مثلك بدنياي

درس بعدك به رسبت وصعبة أنجح فيه

مالي إلا إني أجامل عمري وآجاريه

أما قصة إني أنسى

لما أشوفك في طيوفك يستحي النسيان

وباب قلبي من غيابك ما فتح لإنسان

كل شي بالكون غيرك رافض يحس فيه

واللقا لو صعب يبقى عندي فيه إيمان

ما يكفي ولا يطفي نار شوقي إلاك

وما اتلاقى بالسعاده إلا لما ألقاك

حلي الأوحد والأمثل صبري لين تعود

ولو بضيع عمري صابر عمري كله فداك