كلمات اغنية ما باقي نواف فريح

ما باقي نواف فريح كلمات

ما باقي بصدري مساحه للهموم

وجسمي من جروح الاوادم ممتلي

جرح يروح وجرح بالخافق يدوم

ما كنه الا جمر بي تسطلي

لو شفتني اضحك ترا طبعي كتوم

اجامل ودمي مع الوقت يغلي

واطوف الزله على حسب السلوم

وان جارو الجهال جاورت جهلي

ويطمن اللي بالمكارم معتلي

شفنا الكذوب وشفنا نقال العلوم

في هالزمن لهم مكان ومنزلي

والهيلع الضرغام والرجل الحشوم

من نظرته تدريبه ان ماهو خلي

من اجل هذا شفت للعزله لزوم

جلست مع نفسي وقابلت عملي

ولاني بمتعنصر وارحب العموم

شمالي وامخاوي سبيعي وسهلي

واعطي ولا اخذ ولامن طحت اقوم

وراضي بكل شي كتبه الله علي

غير الإله اللي ماغيره لي ولي

وشوله ازعل واسهر اليل مهموم

وبكرا بقبري مادرو عني هلي

مادام متعافي ولي رب رحوم

انا بخير وكل هم بينجلي

ببحر مع طيور المسا فوق الغيوم

وابخطف نجوم المسا لمستقبلي

اكبر طموح العاجز يعد النجوم

والحي يوصل للنجوم ويعتلي

بعيش بالدنيا كأني راح ادوم

وللاخره كن بكرا ينعوني هلي