كلمات اغنية مجاريح محمد رشدي

مجاريح محمد رشدي كلمات

مجاريح مجاريح لنقول ونعيد ع المجاريح

يابا

دمع وتفاريح وغلابة

والله وغلابة اللي راحوا واترموا في الهوى

لم ليهم طب ولا دوا يابا

دول مجاريح والله وغلابة

كان لي غزال والغزال له سنة سلطاني

وشرخة العين كدة والضحكة اه ياني

كان لما يدخل عليا يدخل معاه الطيب

وفي يده ياخد ايديا افتحله احضاني

وفي ليلة راح الغزال حير في عيني السؤال

اصاحب الموال انده مع المجاريح

والله وغلابة اللي راحوا واترموا في الهوى

لم ليهم طب ولا دوا يابا

دول مجاريح

ايام ما كان لي حمام بيعشق الغية

ماكنتش اشبع كلام ولا ملاغية

ايامها كنت ابتسم

كان لي هوى وغية

وكنت احب الهوا والشمس والمياة

وفي ليلة طار الحمام سابني في عز المنام

قبل ما ارد السلام كان راح في قلب الريح

سابني اقول اه

والله وغلابة اللي راحوا واترموا في الهوى

لم ليهم طب ولا دوا يابا

دول مجاريح