كلمات اغنية محري بالخير موضي الشمراني

محري بالخير موضي الشمراني كلمات

محـريٍ بالخيـر يامـزنٍ نـشـا

ياحلو عقب الوسم رجع السَّحاب

هل رذراذك على روض الحشـا

ربِّع بقلـبٍ دوامٍ لـك شبـاب

كل زهرٍ فاح عطـره واغتشـى

بالرَّياض وبالنَّفـود وبالهضـاب

مانسيتك ياهـوى بالـي حشـا

حبَّك بروحـي وبالخفـاق ذاب

عادنـي شـوقٍ قديـمٍ وانتشـى

في هواكم مولـعٍ ماقـط غـاب

أشتهي فيك الهوى لو هو عـذاب

فيك من طبع الظَّبي ليمن مشـى

لين عاود وألتفت ثـم استـراب

ياحلـو فـزَّة جفالـك يارشـا

يوم تسبح بالصَّحاري في سـراب

الهـوى معطيـك منـي ماتشـا

فـي حياتـي ياحياتـي لاتهـاب

مايفوز الحاسد الَّلي بـك وشـى

فيك حسَّاد الهوى ياكـل تـراب