كلمات اغنية محكوم زاف

محكوم زاف كلمات

قولك رح تبقى الدني هيك خربانه

ظلم متلى الكون وعالم مش سألاني

قولك رح يبقى أرض صغيرة نزرعها

بيني وبينك مستبعدها

قولك رح تبقى المي تكرج بالنبعة

قولك رح يبقوا أيام الجمعة سبعة

بيوت الضيعة ماتوا أصحابها وصاروا صدا

ومين سائل ما حدا

محكوم علينا نمشي ومحجوبة عنينا بحقل ألغام

منمشي وأيدينا مشبوكة باللي حوالينا

وإنسان يضيع ورا إنسان

ثلاثة بالمية من الناس بيحكمونا

بيحكوا بإسم العدل وهن جوعونا

باعونا مفرق وباعونا بالجملة

باعونا كرمال العملة

كل جزء من الناس بيحلفلك بدينه

كل واحد على دينه والله الله يعينه

لهيونا بشاشة لما نكبسها بتضوي

بتبنجنا شوي شوي

محكوم علينا نمشي ومحجوبة عنينا بحقل ألغام

ويا ساتر

منمشي وأيدينا مشبوكة باللي حوالينا

وإنسان يضيع ورا إنسان

ورا إنسان

محكوم علينا نمشي ومحجوبة عنينا بحقل ألغام

ويا ساتر

منمشي وأيدينا مشبوكة باللي حوالينا

وإنسان يضيع ورا إنسان

ورا إنسان