كلمات اغنية محمد الفخر جزاع المري

محمد الفخر جزاع المري كلمات

إهداء إلى صاحب السمو الشيخ محمد بن راشد ال مكتوم

يا هاجسي بارقى بيوت الفخامه

اكتب بيوت بالمعاني قويه

لأهل الإمارات الفخر والكرامه

اهل المراجل والوفاء والحميه

سلام والتسليم واصل تمامه

لشعب وافي له عزوم قويه

امطار رحمة وجعل برق الغمامه

ما يقطع امطاره وعليكم هنيه

لا باس ما جاكم عساها سلامه

يا شعب طيب يستحق التحيه

لا تحسب ان دبي صارت مظامه

الا بإبن راشد دبي عالميه

في ظل حاكمها وهي دوم قامه

نحو التقدم دوم تبقى بهيه

محمد اصل الطيب وهو راس هامه

يشهد على فعله جموع البريه

شاعر لعينك يبن راشد كلامه

و سيرتك في الطيب سيرة زهيه

وانت الكريم اللي فعولك علامه

ويديك تعطي بالعطايا السخيه

شف بيرق العزة بيدك استلامه

ومجدك صدح بالعز في كل هيه

ياحظه اللي انت دايم حزامه

يبشر بطيب الحال والمقدريه

جيتك مثل السيل بعد الغمامه

يامروض الصعبات واصل الحميه

يا محمد انت اصل السطر والشهامه

المدح في شرواك حق عليه

وبالحمد للمولى قصيدي ختامه

له الشكر في كل صبح ومسيه