كلمات اغنية مداغيش الوغى حاكم الشيباني

مداغيش الوغى حاكم الشيباني كلمات

ابتـديـت اغـني القـيـقـان عـاد اللـيل بادي

بختـصر بدع القصـايد كـلبوها في قصـيدة

ان حبكـت القاف تاخذ حبـكته كل اجتهادي

وان نشدت البيت تنساق النشيدة للنشيدة

وان نويت العلم الابلج موقفي غير اعتيادي

اكتب المجد المسما واجعل الفرصة سعيدة

والسديدة فكرتن في مدح خـطلان الايادي

فكرتن ماهيـب تنصفهم مـهي فكرة سديدة

روس قومن تعشـق الوقفات من بد البديدة

يا عتـيـبـة يا هـل الطـالات لا نـادى المـنادي

يا مـداغيـش الوغى لاطقـت الحيدة بـ حيدة

مجـدكم تـشـهد الايـام فـي عـد و عـتـادي

و التـواريـخ القـديـمة و الـتواريـخ الجـديدة

و المقاطي يوم عاد الـعز في عسف العوادي

كاسب العلم الجميل و ماخذ التمجيد بيده

منهـم العلبـاني اللي ما يفـرط ف المـقادي

الجمايل عندهـم مثل الفرايض ف العـقيدة

وان مدحت ابن هذلي مدح النشاما من مرادي

كل ما جـاوزت فيه الـمدح يعـجبني و اعيده

الكريم الشـاجع الشـوباش عسـاف العنـيدة

الف مبـروك الفرح عـم الحواضـر و البـوادي

في عجـبكم يامطانيخ المواضـيع الشـديدة

يابوخالد وانت نعـم الابن و اغـلى من يفادي

وانت راس المال وانت المال و البنك ورصيده

قلـت هـذي كلـيتي يابـوي لـو تبـغا فـؤادي

مـا ذخـرته دون عـافيـتك و سـم اللي تريـده

فزعتك مفروض تـعلن في محطات الروادي

و وقفتك مفروض تقرا بين صفحات الجريدة

تفـعل الشـي الكبـير وتحسب انه شي عادي

من كبر هقـواتك وكـبر الـمواقيف المـجيدة

اشهد انك صـادق الصـملة و قداح الزنادي

واشهد ان راسك فريدن واشهد ان نفسك فريدة

ياعـسى ايامك جميع ايامك افراح وسدادي

يابو العـلم الجـميل ويـا بن المـجد و حفـيده

وانا شاعر مامـعي صبرن مثل صـبر المهادي

لاعرفت اللي علاقـاته مع الوقـفة وطـيدة

في عجـب عين الكريم محرمن شـربي وزادي

لين ما انصف كل طيب راس في قصد و قصيدة