كلمات اغنية مربوط بأستيك كاريوكي

مربوط بأستيك كاريوكي كلمات

“مربوط بأستيك” لفريق كايروكى

نفس المكان بس اليوم جديد.. نفس الحفلة وأنا كالعادة وحيد

نفس البنات والحكايات.. مع اختلاف الأسماء

مزيكا بترقص.. زحمة تفطس.. والناس على بعضيها بتبصبص

ده بينفسن ودى بتلسّن.. والجو مكهرب ومتنشن

دخلت واحدة شكلها غيرهم.. باين قوى إنها مش منهم

مربوط بأستيك وسط ناس بلاستيك.. كله عامل فيها مستر بومباستيك

مربوط بأستيك وسط ناس بلاستيك.. كله عامل فيها مستر بومباستيك

عينى جت فى عينيها وحصل زلزال.. شبط فيها زى العيال

بس العيال كتيرة وبيسفوا وبيعاكسوها.. وبيستفزوا ومع المزيكا بيهزوا

اللى ضرب شوطين والجرأة سايقاه.. واللى شدّ لاينين والثقة واخداة

هدوم غالية وناس رخيصة.. وكلّه هايص أكيد فى الهيصة

عينى جت فى عينيها من جديد.. اتكسفت بصّت بعيد

حصلت مفاجأة.. فكت شعرها فجأة وسط المكان

كلّه عامل فيها مستر بومباستيك

مربوط بأستيك وسط ناس بلاستيك

كله عامل فيها مستر بومباستيك

حاولت أفتح كلام معاها لكن تنحت

بصتلى باحتقار من فوق لتحت

قولتلها أنا غيرهم.. أنا مش منهم

وأتارى مفيش فرق بينى وبينهم

مربوط بأستيك وسط ناس بلاستيك

كله عامل فيها مستر بومباستيك

مربوط بأستيك وسط ناس بلاستيك

كله عامل فيها مستر بومباستيك