كلمات اغنية مرثية فلاح المسردي

مرثية فلاح المسردي كلمات

واطيري اللي من يدي فالسما حام

‎ارجيه لكن غيبته الليالي

‎الله حسيبي في مقادير الايام

‎كم فرقت مابين غالي وغالي

‎باسبابها راحوا عباد الله اقسام

‎وانا الضحية والخسارة حلالي

‎عامٍ مضى والعام يمضي ورى العام

‎ولا فيه يومٍ مرني ما طرى لي

‎يطري علي طاريه فالبيت والزام

‎ومنين ما وجّهت طيفه قبالي

‎حتى بوقت النوم اشوفه بالاحلام

‎لا وهني اللي من الفقد سالي

‎يطري علي لين يتضايق مجالي

‎والله لولا اني على دين الاسلام

‎ومومن بما يقسم عزيز الجلالي

‎لا اصيح صيحة من حكم له بالاعدام

‎وادعيه باعلى الصوت في كل عالي

‎ابوك يا ظافر تحطم تحطام

‎حوّل من احزانه بجرفٍ هيالي

‎يمشي بدون شعور وان طاح ما قام

‎ولا عاد ميّز بين مرٍ وحالي

‎واللي بكى غاليه ماهوب ينلام

‎لاهل دمعه فوق خده وسالي

‎ولا لي الا الصبر في كل الاحكام

‎والله يصبرني على ما جرى لي

‎