كلمات اغنية مرجحين الموازين محمد ال نجم

مرجحين الموازين محمد ال نجم كلمات

بنك المجامل صك بابه بقفلين

ماعاد فيه إيداع ولا حواله

طويت من عمري ثلاث وثلاثين

فيها عرفت ان التجارب رساله

ان زودتني عرف زين على زين

ولا مازدت المستحيل استحاله

ميزت فيها واقع الزين والشين

وفندت فيها كل شي لحاله

مليت من ثنتين واخترت ثنتين

ومن وفقه ربي نجح لا محاله

مليت رفقة من فقد وازع الدين

اللي يشوف ان التساهل سهاله

عنها طويل الباع تكرم سباله

واخترت طاعة خالق الناس من طين

الواحد المعبود جل جلاله

وقرب الرفيق اللي على العسر واللين

مواقفه جمالة في جماله

لا ضاع مدلول الحجج والبراهين

تقلط على العد الرهاوي حباله

شرواك يافوزان غيث المقلين

عون الفقير اللي فقد كل ماله

مواقفك يبو حمد تبهج العين

لاقطب الهلباج ماله وحاله

ياجعل يفدونك زحول الملايين

خطوا بخيل عابد راس ماله

لايقضي الحاجه ولا ينزع الدين

وفي واجبه يمناه كنها شماله

ماني بمتشمت معي قولوا امين

الله يمنعنا من اللي جرا له

نهلت من عد المراجل زلاله

ابوك ذكره في جميع الميادين

وعمك تفرد بالمدايح لحاله

تقول لا زالوا على الارض حيين

عسى الكريم يظلهم في ظلاله

وربعك تميم مرجحين الموازين

بني تميم اهل الوفا والشكاله

بني تميم اللي على الضد صلفين

حرابهم ماجت على ما طراله

كم شيخ قوم ذوقوه الأمرين

ان ذبح ولا ذبح خيرة عياله

ما يستحق المدح غير المديحين

من طاب قلنا طيب الله فاله

وفـوزان إبن مـاضـي وريث السلاطين

جزل وهبه الله مقام الجزاله

تكتظ في مدحه صدور الدواوين

والنعم قسمه كل ماجا مجاله

الله وهبه العز من طيب عرقين

ربعه تميم وآل عاطف خواله

معلومات الاغنية

مرجحين الموازين

شيلة مهداة للشيخ فوزان بن حمد آل ماضي

من الشاعر مسفر العاطفي

اداء محمد آل نجم