كلمات اغنية مروين سلات السيوف الحدادي جفران بن هضبان

مروين سلات السيوف الحدادي جفران بن هضبان كلمات

سلام يافرز الوغى بطل الابطال

يابن الشيوخ اهل الفخر والشدادي

يابن الشيوخ اهل المفاخر والافعال

مروين سلات السيوف الحدادي

اذكرك يافارس بتوجيه الامثال

الشيخ ابوه معلقه بالايادي

سمعتك مابين العرب يابن الابطال

واسمك شهر مابين حضر و بوادي

يابن الشيوخ مسند الجد والخال

ياريف من حده من الوقت حادي

وفهاد ابوك اللي بكسب الفخر طال

له شهرةٍ ترفع على كل بادي

بسيفٍ اليا سله يقص الفؤادي

غنيم بن شويه على كل مشوال

عوق العديم اليا اقبلت به ترادي

وربعك عرينات ليا قال من قال

فكاكة البل في نهار الطرادي

ياكاسب الطالات في كل الاحوال

بالطيب و الشهره و حسن المبادي

راسك شجاع وللصعيبات حلال

ويمناك تودع ماتشده نفادي

يا شيخ ياللي بالكرم تنفق المال

وان ثارت الهيجاء بروحك تفادي

دايم و مداتك كبيرات و جزال

خسار جبارٍ شجاعٍ عمادي

هذا كلام رجال و رجال ورجال

يشهدبه اللي جاك علمٍ وكادي

دايم مطالعيك على روس الاطلال

يا كاسب الطالات راع الشدادي

يصعب على الشيخان حسب اعتقادي

في كل وقتٍ له صناديد ورجال

و الصبر يؤخذ من كلام المهادي

تضربك الامثال في كل الامثال

نو العمر يفنى والليالي جدادي

يا حر ياللي ماكره نايفٍ عال

حرٍ معرب من حرار الهدادي

يا مزبن اللي حده الضيم والال

اللي حداه الوقت والاضطهادي

ريفٍ لمن حط الدهر فيه ولوال

و من الدهر ما يقدر الاقتصادي

يامالكم من وقفةٍ عند الاذهال

يخبر بها الشايب رضيع المهادي

يشهد بطيبك كل من ضده الجال

كل العرب في بر والاّ بلادي

معلومات الاغنية

مهداة للشيخ فارس بن فهاد بن غنيم بن شويه

الشاعر محمد بن حويل العصيمي

اداء جفران بن هضبان

تنفيذ بصمة الابداع