كلمات اغنية مش لاقي كلام ليل المحمدي

مش لاقي كلام ليل المحمدي كلمات

مش لاقي كلام ينفع يتقال

ولا لاقي اجابه لاي سؤال

من مدة كبيرة ف نفس الحال

ومفيش ولا حاجه بكملها

مش لاقي طريق ينفع امشيه

ومفيش موضوع علشان احكيه

انا واحد حزنه باين ف عنية

من تقل الشيله الي شايلها

علي طول سرحان ف عالم تاني

وحبايبي بتمشي وتنساني

ومحدش يعرف اخباري

بيفوت العمر ويسرقني

ف بحور الحزن مغرقني

والهم ف قلبي بيخنقني

ولا حد بيسأل عن حالي

مش لاقي حبيب يفضل جمبي

ولا حد يداوي وجع قلبي

ولا حد بيسمع لما احكي

واليوم بيعدي كإنه مجاش

معرفتش اكون الي ف بالي

ولا حتي بقيت عارف مالي

مستغرب ايه الي جرالي

مشكلتي بجد اني مبنساش