كلمات اغنية مش هاين اودعك نجاة الصغيرة

مش هاين اودعك نجاة الصغيرة كلمات

مش هــاين اودعك اشــــوفك واســـــمعك

ماهي واحدة من الاثنين ياتخدنى يا ارجعك

لا دمعك يطفى ناري ولا دمعي ينفعك

سافر من غير ميعاد ولا اني اودعك

***

بتحملني ليه وانا جانبك هم الاشواق؟

وتخليني احس بقربك وكــــأنه فراق؟

خبي عليَّ يوم ماتسافر تبقى تقول

خلى بكايَ يبقى الاخر مش على طول

اه مش على طول

انا ياما سهرت ياما ودموعي تدعي ياما

وحشاني الابتسامة

ياوحشني اسمعك اشوفك واسمعك

ماهي واحدة من الاثنين ياتخدني يا ارجعك

لا دمعك يطفي نارى ولا دمعى ينفعك

سافر من غير ميعاد ولااني اودعك

***

الوداع يحرمني منك مش بحبه ليه اقابله

كل شئ يبعدني عنك مستحيل اقدر اروح له

تبقى ايدك بين ايديَّ ازاي اسيبها

هي ايه تهون عليها تسيب حبيبها

ده انا ياما سهرت ياما ودموعي تدعي ياما

ترجع لي بالسلامة

واحشاني الابتسامة

وواحشني اسمعك اشوفك واسمعك

ماهي واحدة من الاثنين ياتخدني يا ارجعك

سافر من غير ميعاد ولا اني اودعك