كلمات اغنية مضحوك عليا طارق الشيخ من مسلسل حق عرب

مضحوك عليا طارق الشيخ كلمات

بين كل جرح وجرح اصعب ماللي قابلة

حاسس اني عايش كل دة ومضحوك عليا

وبقيت بشوف في عيون كمان كل اللي اقابلة

نظرة شماتة وضحكة صفرا وفرحة فيا

مبقتش عارف ان كنت رايح ولا جي

وكأني عايش نص مات علي نص حي

حتي اللي مني مسلمش قلبي من اذاهم

والضربة جاتلي ماللي انا اتربيت معاهم

كل اللي بديلة الامان هوا اللي يجرح

والفرحة جت عندي انطفت حلفت ماهفرح

واسيت كتير من ناس باعوني وركبو مسرح

فين اللي مني بجد بسال نفسي فينهم

جبروت وقسوة مشفتهاش غير بس منهم

علي طول في سيرتي بيقطعو ويذمو فيا

والرحمة جاتلي من الغريب ومجتش منهم

معرفش بختي يادنيا لية علي طول مقصر

كل اما اقول هفرح خلاص تسود اكتر

من كتر مااتحملت غدر وظلم منهم

مبقتش احس بضربهم مبقاش يأثر

مخنوق ومتحمل الم وعذاب قافلني

صدقت ناس ياخسارة طلعوا مغفلني

انا قلبي تاه حتي الحياه ضحكت عليا

والدنيا والايام لبعض محدفني

وسابوني متكتف بموت علي جنب مرمي

جايين عليا وكلهم ضدي وقصادي

وان يوم ضحكت بيجمعو علي حرق دمي