كلمات اغنية مطيرة المنام جفران بن هضبان

مطيرة المنام جفران بن هضبان كلمات

قد لي شهر مانيب احس اني تمام

من مركز الهادي ليـا دار الشفا

ما عاد افكر غير ف اذان الإمام

واقول يالله اتغفر لي وتعفا

مابين نوبات الاطباء والدوام

عييت اصير انا مع الحظ احلفا

اباخذ اجازه واباخذ لي حرام

وازو مكه ثم قبر المصتفطى

واصد من ناسن لا وجه ولا قفاا

مانيب في حاجت مجاملت الانام

محتاج لي دعوة مصلي بالخفاا

الواثق امن اخطاه يمشي للأمام

يا حبني لـ اهل المواقيف وكفى

والمستشك ايشك حتى بالكلام

تلقاه لابس بشت والاجواء دفااا

ما عادني صوب القصيد بشكل عام

كن بيني ومن بين هاجوسي جفا

لكن ناصر والله وعلي الحرام

سوا صفا الهاجوس ولا ما صفا

عنوانها خوه وتقدير ووفا

يستاهل ابيات الثنا والاحترام

وبأسم العضيله مرحباا باللي لفااا

في محفله كلن تحزم بالحزام

حتى الاخو بخوه حاضر ما اكتفا

وضيوفه اتقلط على سمن وسنام

ويقول يا جعله ماهبيط العفااا

الضابط الي لا بغيته ب امر هام

ماهو يبركهاا على صم الصفاا

الا يوردها مواريد الحيام

يوم ان غيره لا زهمناه اختفااا

يبين وجه الكفو عند الادحام

واللاش وجهه مثل وجه السلحفا

وناصر خويي باللوازم شق خام

ضاري على كلمة نعم ماهيب افا

من قومن تضيم الاعادي ما تضام

عاد الزمن بين الاوادم ما رفا

امطير دوله من قبل وقت الكمام

قبل تجي رتبة ملازم واعرفااا

اليا اعتزو حتى الجبل يصبح حطام

وتاريخهم فوق الاراضي ما اكتفا

كم كبتن متعدين حد الغمام

ومن فعلهم عود على القاع انكفااا

تاريخهم بين على راس العدام

اهل ثلاثن تستحق الاحتفااا