كلمات اغنية مغن الزين فايز الدوسري

مغن الزين فايز الدوسري كلمات

خاطري كنه لمسرى الليل هايض

من تضايق وده بريع يذبه

ماجذبني حلم ليل وبرق نايض

لانكسر وجه الشمالي عن مهبه

من تمام الوقت بالخمس الفرايض

لأ ستقامت دعوة المسلم لربه

الطريق يمين من هجرة مبايض

ضارب له ر اس عرق وبطن خبه

يقطع العرقين في درب ينبه

والطواري مثل سيل جاك فايض

طاب مسرى الليل يم الي تحبه

نعرف الانسان حمال النقايض

ماتقبل له حدث من دون سبه

والقلوب الخضر ماهي بالفضايض

ويل قلب ود خله كد لعبه

ماتعوض بك ولالي عنك عايض

يامغن الزين كله يامربه

يوم تقبل بالمقاسيم العرايض

كيف انادي بالقمر كني مشبه

في مساحة عنق ريم وزين لبه

ينتثر من مقسم الراس القضايض

سوقة الكيف المزعفر من مصبه

لانفهق في مرتع وفي خصر غايض

ينعكس للعين غبة وسط غبه

تضرب الخطوه على الغر النهايض

كنها اليوكن ليا ناش المطبه

البني عقبك يعيشن البغايض

مادرو بأنك دواء قلبي وطبه