كلمات اغنية مفيش فايدة محمود الشاعري

مفيش فايدة محمود الشاعري كلمات

مفيش فايدة خلاص قفلت كده معاها

بقت واحدة بجد تعبت وياها

وايه يغصبني ع العيشة اللي انا عايشها

انا مليت وعايز ارتاح وانساها

عشان مش قادر اواجهها واكلمها

بعتلها رسالة عشان افهمها

وقولتلها وصلت انا وانتي لنهاية

قصدت اكسرها واهينها واندمها

هديت حبة وقولت هنام بقا شوية

ولسه يادوب مغمضتش انا عنيا

ببص لقيت اوام منا رسالة جاية

وطبعا ايوة خمنت اللي جواها

اكيد عايزة ترد اهانة باهانة

وتحرق دمي ولا تباتش زعلانة

انا عارفها لا يمكن تبقى غلبانة

فقولت هنام بلاش رسالتها هقراها

ونمت وقومت شاغل روحي انا بيها

وعايز اعرف رسالتها في ايه فيها

وكان نفسي اريح همي من حيرتي

يا اقراها يا ادلتها يا اخليها

وفعلا شوفت وقريت اللي مكتوبلي

دي فاجئني وكتبتلي وبتقولي

انا الغلطانة وبتأسف ومحقوقة

عشان خاطري تسامحني وترجعلي