كلمات اغنية ملحمه X ملحمه فهد بن فصلا

ملحمه X ملحمه فهد بن فصلا كلمات

ملحمه X ملحمه | فهد بن فصلا & جفران بن هضبان | كلمات شاعر العرب سلطان بن وسام | 2023

يالهاجس الشعري عسى ربي يعين

نويت اسوي ملحمه في ملحمه

مهوب من فرقا والاقلبً حزين

والاهوب من باب الرموز المبهمه

الافخر والفخر سلم الطيبين

يوم الطبوع من الإلاه مقسمه

شاعرومتمكن واجيد الشعر زين

وضرب العوادي يخلف المتعلمه

البسه لبس يشوق الناظرين

واطيّبه بالعود قبل اقدّمه

الي مايفهم لايقول الدرب وين

ماهوب فاهم شي لو افهمه

اذا امسيات الشعر تبغا مقدمين

المدح في تركي بدون مقدمه

حفيد من وحد بلاد المسلمين

الله يعفو عنه والله يرحمه

حول على العارض وهو معه اربعين

للجيش درهامه وللخيل رهمه

واسترجع عروش الجدود الاولين

وسيطر على داره بسيفه واحكمه

بالرمح والسيف الحدب والمارتين

يرفع قدر خشمً وخشمً يلطمه

واشرق لنا التوفيق والنصر المبين

وقفت مجاهيم الليال المظلمه

واليوم عانقنا القمر والفرقدين

بين الكواكب مجدنا رف علمه

رغم انوف الشله المتطرفين

اللي لبيع اوطانها متولمه

في ارقابنا بيعه على تقوا ودين

عكس اتجاه الشله المتشرذمه

حنا دروع الدار والحصن الحصين

في كل امر من فضل ربي وكرمه

دون الوطن عزم السعودي مايلين

يفدا ثراه بكل قطره من دمه

طموحنا عنان السما في كل حين

قد قالها محمد وحنا نخدمه

لو ما انت يا تركي كعام العايلين

لاجاء نهار فيه ربط الاحزمه

ما حطك محمد على يده اليمين

ياسعد والله من يحطك محزمه

انته حفيدالصالحين العادلين

عليك من خير السمات اطيب سمه

يمناك مدتها تغيث المعسرين

يفرح بها المعسر ويرتد انسمه

يدينك الي غيرعن كل اليدين

ماتستريح الا تقدم مكرمه

يجونك الاثنين وتعرف الثنين

هذا صدوق وذا سواة مسيلمة

هذا عطيته فوق خده لطمتين

وهذا لطمته فوق خشمه بشحمه

تعيش ياسمح النبا ليث العرين

انت الفخركله بعينه وعلمه

اسمك ليا من عدت الاسماء يبين

مهوب متساوي وجوده واعدمه

فخامة اسمك طلق وجه وملي عين

تطلق لسان الشاعر وتملا فمه